K'Cho News and Media

To release local news of k'cho people from southern chin state, western burma.

Im (Ng'Thuk'thang)

U Maung Ph?i ami ngawn among

Posted by CNM on May 23, 2012 at 8:10 PM

Maung Phäi M'Gan awn tuk u hleihseiyung kai ki te shik ci

Hmo k'cha (May), 23 (k'choNews and Media)

 

K'Chopa Maung Phäi cu bii bik khai ah a ghüh ah k'chang naw a luu ungm'gan awn tuk hleih Yangon Seiyung, k'chowh lah k'thang departmentung sei ng'kuh ci te seiyung a gawk naak k'cha ät a be hnüüp Hmok'cha (May), 22 hnüüp ung a cun ah a luu ung a lem awn shik ki ciah ng'yaak nei.

MaungPhäi cu Mindat Gownu, M'Chum pigo ung ka te, k'hlang ah ng'thei naakka university ung ka naw hnuh hmat naak gah tu ne, a cun kawn ah TaikKyi Gownu, Uk kan Palik sakhan ah k'ka ung ka pigo tumat ung gotakgeit ko naak ah bii cu amät naw bi ne om ci te ami ci, a shih yahung a k'chu lah a hta pa hnih, a hta hnu hnih om ba ghüt ci gui ciah ng'yaak tu.

A cunah monglam a k'nii ah hmat tu vai ah Maung Phäi ami htüm naak vaiung ng'lung ng'lak na ne bii lawh püi gui ci ah Pokyi Ng'Ling Ghung(ng'düm pyi ci) cu K'Cho ng'thu k'thang lah Media ung ka naw contactbi ne a ng'shi te ….

''Ng'Bi k'cha (April), 22 hnüüp mü hün kho k'bäi naw thum 3:00pm atawk law hlawk ung a ghüh ah k'chang gui 4-5 hlawk awn ng'vawk kigui te, Maung Phäi naw a cun ah k'chang gui ung ka tumat cu hnih-veia thäk, a cun a ng'pyi kawn ah Maung Phäi cu mü hün tawkvak khok'bäi naw khih 7:00 pm a tawk law hlawk vai ung pyuuhta tumat ahk'pang ung ng'hnan ne a ngoh tu yah ung a cii kiää a thäk te ahk'chang, a ng'ming cu Paik Thwe ami ci naw m'gan nu law püi ne tah ahnuu a ka naw a tuk nei, a tuk cu a k'chowh haw hak ki. Om ci gui aha ghüh ah k'chang gui naw cu tuk ci a k'chang ami phaa vai a tahMaung Phäi cu a shi kä a ng'chawn en yawp pha ung Seiyung k'phakhai ah kot ne dawng püi khai gui ah ami k'thaa naak yah ung tukghüt ci ah k'chang cu dawng ne maik ei ci. A tuhbäik güt palik nawphi kä pha hlawt laih laih ci nei.'' ci ne pien ci.

A cunkawn ah i a kia ah mong gui däih ne a pein ba naak ung .. .. .. .. -

''YangonSeiyung, k'chowh lah k'thang department ung sei ng'kuh ne ni law baci, ng'shüm law ba ne ng'htaa law ba haw ci te nei. Kei cu Hmok'cha (May), 21 hnüüp ung hteit ne ka teng tu ki cu, a k'nii ahng'htaa law ba hlawt hleih ka hnuh ghüt te nei, 22 hnüüp khawng'ngoi kho k'bäi naw 4:30 a tawk law yah ung a k'ten düüt ah shikki ta, Doctor gui naw ami pien läi cu k'dai ne ami pyan ba ah a luk'chowh ung a lem naak a k'hmaa ung ka hnai yuut ne lut ne tah a cunung ka naw m'kiüt lut hleih shik ki ci ah hmat tu.''

Akiawngkhui ung ka gui cu Mindat Gownu a vah om ci gui te, a k'chu läicu Yangon ah gawk law ki ami ci. A cun ah mong cu palik gui naw ihawi ah ami bi ng'däik vai ah mong ng'shi shüm ung …......

Maa neläi cu pukmah 316 ak naa ah deinak khai ah ci naak a phäh ci ahamong ami hmon te, a shih kawn ah Yanta Uk ka ung ka palik ng'vaiamät law ne pukmah 302 k'chang ngawn naak ah among ci ah pukmahm'thawng ne a k'hmong law ba ci. A cun ah ngawn ghüt ci ah k'changphi a k'yä ah ami phaa hning vai ah k'thaa na k'khai gui ah apienghüt ci. Shih cayin copy gah naak hning vai ah amät a ng'vai nawsign na guk pe gui ghüt ne hteit ba ki.'' ci ah K'Cho Ng'Thukthanglah Media am m'thein tu ki.

Hmok'cha (May), 23 hnüüp, hnüüp ng'lung khok'bäi 12:00 ung a gaawkcu, Yeway christian m'cim hnün ung phuh ne htüm päng yawp ci guici ah K'Cho Ng'Thukthang lah Media naw ng'thukthang ng'yaak naak omci nei.

Categories: M'Va kho ung ka ng'thu k'thang gui

Post a Comment

Oops!

Oops, you forgot something.

Oops!

The words you entered did not match the given text. Please try again.

Already a member? Sign In

0 Comments

Ng'thu k'thang videos

Ng'thu k'thang Photos

Contact bii naak


K'Cho Internet website gui

Lawngmen Media

K'Cho Pakhui

K'Cho Ethnic Website

Chin Media website gui

Khonumthung

Chin World

Chinland Guardian

M'Va ng'thu k'thang website gui (a k'pung)


M'Va ng'thu k'thang website gui (a k'kiawng)


KCho News